İraq ordusu İŞİD lideri Əbubəkr əl Bağdadı və yüksək rütbəli komandirlərinin toplaşdığı evi bombalayıb.
“Qafqazinfo” “BBC”yə xəbər verir ki, bu barədə İraq ordusu açıqlama yayıb.
Əməliyyat fevralın 11-də keçirilib.
Kəşfiyyat məlumatına görə, Əbubəkr əl Bağdadinin kortecinin Rakka ilə Əl Kaim arasında olduğu müəyyən edilib. Daha sonra terrorçuların yığışdığı ev bombalanıb.
Hücum nəticəsində 13 İŞİD-çinin öldürüldüyü bildirilib. Əl Bağdadinin ölümü barəsində isə məlumat verilməyib.