Eks-prezident, Odessa qubernatoru Mixail Saakaşvili Gürcüstana qayıtmaq və aktiv siyasi fəaliyyətlə məşğul olmaq istədiyini açıqlayıb.
“Qafqazinfo” Ukrayna KİV-ə istinadən xəbər verir ki, Saakaşvili qayıdacağı dəqiq tarixi açıqlamayıb:
“Qoy heç kim şübhə etməsin və bunu təhdid kimi qəbul etməsin, lakin mən Gürcüstana qayıtmaq və proseslərə aktiv olaraq qoşulmaq istəyirəm”.
Xatırladaq ki, indiki gürcü prezidenti Georgi Marqvelaşvili 2015-ci ildə Saakaşvilinin Gürcüstan vətəndaşlığından məhrum edilməsi ilə bağlı sərəncam vermişdi.