Hindistanda Qanq çayında qayığın çevrilməsi nəticəsində 26 nəfər həlak olub.
"Qafqazinfo" xarici KİV-ə istinadən xəbər verir ki, hadisə şənbə günü Patna şəhəri yaxınlığında baş verib. Xilasedicilər gecə 22 nəfərin cəsədini, səhər isə daha 4 cəsədi tapıblar.
Bildirilir ki, 30 nəfər üçün nəzərdə tutulan qayıqda 50 nəfər olub. Çaya düşənlərdən 10-12 nəfəri isə üzərək xilas ola bilib.